Antolatzaileek sare sozialen bidez emon dabe hitzorduaren barri. Argitaratutako irudietako baten, neska bat agertzen da eklipsea segurtasunez ikusteko betaurrekoak jantzita. Izan be, “atzoko fenomeno astronomikoak zerua eklipsau baeban, datorren urteko X. Areatza Musik & Beer nazinoarteko jaialdiak dana eklipsauko dau” dinoe antolatzaileek.
Hamargarren urteurrena ospatzeko prestatuko daben egitarauaren, taldeen eta gainerako barrikuntzen barri aurrerago emongo dabe. Oingoz, jaialdiaren zaleek badaukiez agendan gorde beharreko egun bi: datorren urteko maiatzaren 28a eta 29a.