Gaztetxe kanpoko patiotxoa izarpeko zinema bihurtuko dabe Areatzako gazteek eguenean. Pantaila handia ipini eta udako gauetako giro ezinhobeagaz, LGTBIQA+ kolektiboaren barruan dagozan personen egoerea eta bizipenak ardatz daukazan Maspalomas (2025) euskal filma proiektauko dabe 22:00etan.
Sinopsia:
Bikoteagaz apurtu ostean, gustuko daukan bizimodua daroa Vicentek Maspalomasen: eguzkia, jaia eta gozamena dira bere eguneroko jardunak. Baina istripu batek Donostiara bueltetan behartuko dau eta bertan aspaldi abandonau eban alabagaz alkartu beharko da. Vicentek zahar-etxe batean bizi beharko dau eta bertan armairura bueltetan bultzatuta sentiduko da, konpondutzat eukan bere buruaren alde bat ezkutauz. Egoera barri horretan, galdera bat nagusituko da: garaiz dago Vicente besteakaz –eta bere buruagaz– bakeak egiteko?