Areatzan bizi dan Martin Ortega Muro ilustratzaileak Inktober, harri eta hitz sormen erronkea ipini dau martxan hileon. "Historia, poesia eta misterioz betetako 31 berba" aukeratu ditu, hileko egun bakotxerako berba bana eta bere jarraitzaileei zein interesa daukan edonori konbitea egin deutso, berba horreek irudikatu eta sare sozialetan alkarbanatuteko. Bere @martin_duende Instagram kontuan emon dau erronkearen barri eta bertan egiten dau jarraipena, bere marrazkiak zein partaideenak argitaratuta.
Hileko egun bakotxean margoztu beharreko berbak zehaztuta daukaz bere kontuan eta parte-hartzeako egin behar dan gauza bakarra berbok irudikatu eta sare sozialetan alkarbanatutea da, #InktoberHarrietaHitz, #Inktober2025 eta #inktobereuskaldun etiketakaz batera. Gero, berak alkarbanatuko dauz bere sare sozialetan. Momentuz, "oreka", "auskalo", "malko", "sorgina" eta "tantak" berbak irudikatu ditue berak zein jarraitzaileek eta gaurko berbea "erditu" da.
Ver esta publicación en Instagram