Hamabigarren edizino honetarako izena rockthesport.com webgunean emon daiteke eguenera arte, hilak 25; 23:59ean zarratuko dira inskripzinoak. Aurten be, igaz lez, hiru ibilbide egiteko aukerea egongo da. 08.00etan martxa luzea (27 km ingurukoa) eta ertaina (19 km ingurukoa) hasiko dira eta laburra, 12 kilometrokoa, beranduago hasiko da, 09:00etan hain zuzen be.
Hiru ibilbideei esker, jente gehiagok dauka aukerea Areatzako lehenagoko bideak ezetuteko. Aurten barrikuntza moduan izen-emotea egiten dan webgunean kamisetea bera bakarrik erosteko aukerea egongo da. Igaz 385 lagunek hartu eben parte eta aurtengoan plaza mugatuak ipini ditue; guztira 400 lagun hiru martxetan.