12. edizino honetarako izena emon ahal da rockthesport.com webgunean. Aurten be, igaz lez, hiru ibilbide egiteko aukerea egongo da. 08.00etan martxa luzea (27 km ingurukoa) eta ertaina (19 km ingurukoa) hasiko dira eta laburra, 12 kilometrokoa, beranduago hasiko da, 09:00etan hain zuzen be. Izen-emotea urri lehenengoaren 25ean amaituko da eta gogoratu martxearen egunean ezin izango dala izenik emon.
Hiru ibilbideei esker, jente gehiagok dauka aukerea Areatzako lehengo bideak ezetuteko. Aurten barrikuntza moduan izen-emotea egiten dan webgunean kamisetea bera bakarrik erosteko aukerea egongo da. Igaz 385 lagunek hartu eben parte eta aurtengoan plaza mugatuak ipini ditue; guztira 400 lagun hiru martxetan.