Zapatuan, hilak 21, izango da ospakizun jaia, eguerditik gaua ondo sartu arte. 130 tanbor-jole inguruk jardungo dabe joka. Egun Danborradan joten dabenak eta inoz jo izan dabenak batuko dira belaunaldiak batzea helburu daukan ospakizun handian.
Txupina 13:00etan botako dabe. Ostean poteo musikatuari ekingo deutsie Merhezi taldeagaz eta bazkaria egingo dabe 14:30an, alkarregaz. Iluntzean tanborren durundiak hartuko dau herria hainbat ordutan; 19:00etan, belaunaldien arteko tanborradea hasiko da eta 21:30ean, tanborradearen bigarren buelteari ekingo deutsie.
Gauean, tanborrak itxi eta jantzan egiteko aukerea izango dabe tanbor-joleek, 23:00etan erromeria egongo da Zutik taldeagaz eta 02:00etan, DJ Bertok ipini dau jantzarako musikea.
