Areatzako Udalak eta merkatariek, herritarrek herriko komertzioetan konsumidutea buztartuteko helburuagaz barriro ipini dabe martxan Bonodenda kanpainea. Maiatzaren 20an hasi eta bagilaren 30era arte, edo zirkulazinoan ipinitako 400 bonuak amaitu arte, hamasei urtetik gorako billaroztar bakotxak hiru bonu erosi ahalko ditu Gauzak dendan herriko komertzioetan erabilteko. Bonu bakotxak 20 euroko prezioa dauka baina 25 eurorainoko erosketak egin ahal izango dira horreekaz.
Aurten Areatzako zortzi komertziok hartzean dabe parte Bonodenda kanpainan. Aliprox, Andikoa harategia, Gauzak denda, Arantza Zamalloa botikea, Estankoa, Denda Barri, +Ke...Pan okindegia eta Vade Retro ile-apaindegia dira komertzioak. Honeetan gastau ahal izango dira bonuak. Honeen balioa pilatu daiteke baina ordaindu beharreko kopuruak bonouen balioa baino txikiagoa bada ez da dirurik itzuliko.