Abenduaren 16an, zapatua, 10:30etik 15:00etara, nekazaritzako elikagaien eta artisauen lanen azoka egingo da Areatzako plazan. Eguraldi txarra bada, eskolako aterpera mobiduko da. Areatzan urtean zehar egiten diran lau merkaduetatik atzena izango da hau.
Areatzako azokan, Arratia eta inguruko herrietako produktuak erosi ahal izango dira: baserriko ogia, euskal pastela, ortuariak, gaztaia eta patea besteak beste. Inguruko artisauen lanak be egongo dira salgai. Egindako erosketa guztiek tokiko produktu loteen zozketan parte hartuko dabe.
Eskolea barriztuta
Areatzako eskola barriztapen lanetan egon da oin arte eta behin obrak amaituta, herritarrek emoitzea ikusteko aukerea izango dabe zapatu goizean. 11:00etan zabaldu eta 13:00etan zarratuko dira ateak, instalazino barriak ikusi ahal izateko.