Bagilea hasi orduko ipini zan martxan Areatzako Bonodenda kanpainea. Udaletxean egon ziran 400 bonuak saldu ez diranez, NAN bakotxeko beste bonu bi lortzeako aukerea emon dabe Udalak eta Merkatarien Elkarteak. Honeek be 20 eurotan, hamasei urtetik gorako herritarrentzako.
Bonuak lortuta, honeekaz Bonodenda kanpaineagaz bat egin daben saltokietan egin ahalko dira erosketak, ehuneko hogeiko beherapenagaz. Bonuak multzotu daitekez, baina erosketak egiterakoan, ordaindu beharrekoa bonoen baliora heltzean ez bada, ez da dirurik bueltako.