Gaztelekua urri bigarrenaren 1ean zabalduko da, gazteak libre sartu eta urten ahalko dira baina begiraleak egongo dira plazako lokalean. Barikuetan 19:00etatik 22:00etara egongo da zabalik, zapatuan barriz ordu bat luzatuko da zarratuteko ordua, 23:00etan.
Ludotekan, Haur Hezkuntzako 3, 4 eta 5. mailako eta Lehen Hezkuntza osoko umeak izango dabe izena emoteko eskubidea. Honetarako, hurrengo astelehen, martitzen eta eguaztenean ludotekara hurbildu beharko dira gurasoak arrastian, 17:00etatik 18:00etara.
Urri bigarrenaren 4an zabalduko dauz ateak Areatzako ludotekeak, 17:00etatik 19:30era. Astean ume bakotxa egun baten baino ezin izango da joan. Izan be, Areatzako Herri eskolako erispidea jarraituta antolatu dira txandak. Talde itxi honeetako bakotxak ludotekan be errespetauko dira: astelehenean HH3, martitzenean LH 1-2, eguaztenean HH 4-5, eguenean LH 3-4 eta barikuan LH 5-6. Ludotekearen eukierea %60 izango danez, hau gainditu ezkero bigarren talde bat antolatzea aztertuko dabe Zaztaparrak taldeak eta Udalak.