Ez dok bape taldea Arantzazuko Bariku Rockeroetan

Alacanteko espetxerako joan etorrietan, Goio Ramos eta Irkus Badilloren arteko alkarrizketetan musika talde bat sortuteko ideia jaio zan oin dala urte batzuk. Proposamen horren frutua Ez Dok Bape rock taldea da Josu Garaita eta Gorka Chamorro kideakaz batera. Lagunak eta ezagunak, musikariak eta bereziki musikazaleak dira Hego Uribe eta Aiaraldeko lagunak eta zuzeneko musikea maite dabe laurek. Oindino ez daukie diskorik kaleratuta baina Gorka Chamorrok BEGITUn adierazo dauan moduan, euren kanta propioak joko dabez gaur gauean eta bersinoren bat edo beste be sartuko dabe euren kanten listan.