Arantzazuko Bariku Rockeroak ekimenak beste kontzertu bat dakar oingo barikurako, hilak 31. Four Friends talde bilbotarra dago konbidauta Herriko Tabernan jotera, 21:30etik aurrera. 1999an jaio eta hasikeran musika instrumentala egiten eban taldea laster hasi zan bertsinoak zein kanta propioak sortzean. Ordutik, Bilbo eta inguruko taberna eta musika aretoetako zirkuituan mugildu ziran, batik bat rock eta bluesa buztartuta.
Taldea Iñaki Iraeta eta Eneko Albizu gitarra-joleek, Fernando Iraeta baxu-joleak eta Jorge Gomez bateria-joleak osotuten dabe, Eider Saratsagaren ahotsagaz borobilduta. Urteotan bost disko grabau ditue osotara eta bertsinoez gainera, lan horreetako abestiak entzun ahal izango dira Arantzazun: Bilbop (Gaztelupeko Hotsak, 2003), Dzanga (Gaztelupeko Hotsak, 2006), Haruntzago (Gaztelupeko Hotsak, 2009), Now or never (Brixton Records, 2014) eta Now or never Vol.2 (Brixton Records, 2017).