Arantzazuko Udalak herriko lehenengo argazki lehiaketea antolatu dau aurten, 2023 urteko egutegia beteteko helburuagaz. Argazkiotan Arantzazuko bazter eta paisajeak agertu beharko dira eta bakotxaren proposamenak abenduaren 2a baino arinago bialdu behar dira idazkaritza.arantzazu@bizkaia.org helbidera.
Egutegiaren formatua ez da oindino ebatzi eta argazki bakarrak irabazten badau, horregaz egingo da egutegi osoa. Argazki nahikoa egon ezkero barriz, honeek be erabiliko dira hilez-hile bat agertuteko. Edozein kasutan, irabazleentzako sariak egongo dirala aurrreratu dau Udalak.